Para quen traballa a quendas
Cambiar unha quenda non debería custarche vinte mensaxes
Dis que día queres librar e que días podes dar. Turneas atopa os compañeiros aos que lles encaixa e propónllelo. Ti só aceptas.
O grupo de mensaxes ás once da noite
Sóache?
Preguntas quen che cambia o sábado. Contesta quen non pode. Alguén pide outra cousa por riba. Ao día seguinte ninguén lembra quen dixo que, e a folla de quendas en papel segue colgada no control, chea de riscos.
Turneas fai as contas por ti: sabe quen libra cada día e a quen lle vén ben o teu cambio, e só llelo propón a esa xente.
- Alguén me cambia o sábado 12? Teño voda 🙏
- eu traballo esa fin de semana, sorry
- Alguén ten o domingo 20 libre? É para outra cousa
- o sábado de mañá ou de tarde?
- De tarde… ninguén? 😩
47 mensaxes sen ler
O teu mes, sempre no peto
Mañás, tardes, noites e libres coa súa cor, por mes, por semana ou só hoxe. Vese aínda que non teñas cobertura no soto. Fai unha foto á folla de quendas do mes e Turneas lea para todo o grupo. Pasa o teu cadrante ao calendario do móbil ou compárteo en PDF.
Ilustración: a captura real chegará pronto.
Unha pantalla da app.
Ti escolles o día. Turneas, a quen preguntar.
Tocas «Pedir un cambio», marcas o día que queres librar e os días que poderías dar. En verde, os que podes ofrecer de verdade. Turneas propónllelo a quen lle encaixa, empezando polos teus amigos. Ninguén recibe unha petición que non lle sirva. Se queres, pídelo de forma anónima, ou pídeslla a unha persoa concreta, que escolle o día que mellor lle vai.
Ilustración: a captura real chegará pronto.
Unha pantalla da app.
Sabes que quenda farías antes de dicir que si
Cada proposta di que quenda farías ti, a que hora, e que che dan a cambio. Se non é a quenda que adoitas facer, avísate. E se tes dúbidas, faládelo na mesma tarxeta.
Ilustración: a captura real chegará pronto.
Unha pantalla da app.
Libra cando libre a túa xente
A túa parella, un amigo, a túa nai. Aínda que non traballen contigo nin usen a app. Os días que librades xuntos quedan gardados para que ninguén cos quite, e avisámoste cando un cambio vos faría coincidir. Ninguén máis sabe con quen, nin por que.
Ilustración: a captura real chegará pronto.
Unha pantalla da app.
Unha ponte? Mira primeiro que días son fáciles
En «Buscar días libres», cada día que traballas leva un número: cantos compañeiros cho poderían cambiar. Pides todos os días á vez, con prazo. Ou se conseguen todos, ou non cambia nada.
Ilustración: a captura real chegará pronto.
Unha pantalla da app.
Co visto e prace de quen fai os cadrantes
Se no teu centro un cambio precisa visto e prace, o grupo escolle como se pide: alguén do grupo dao na app, ou confirmádelo vós con quen aproba. O «Parte de cambio» recolle o cambio en PDF, e os dous podedes asinalo co dedo no móbil ou en papel. A autorización segue sendo do teu centro: Turneas axúdavos a seguir o seu procedemento, non o substitúe.
Ilustración: a captura real chegará pronto.
Unha pantalla da app.
Feita para equipos a quendas
- Enfermaría
- Celadores
- Técnicos sanitarios
- Policía e bombeiros
- Seguridade
- Hostalaría
- Industria
- Atención á clientela
Se no teu traballo hai mañás, tardes ou noites que rotan, Turneas sérveche.
Comezar leva cinco minutos
Crea a túa conta
Co teu correo electrónico.
Entra no teu grupo ou créao
Co código que che pase un compañeiro. Se o creas ti, unha guía de cinco pasos déixao listo.
Mete o teu cadrante
Cunha foto da folla de quendas do mes, varios días á vez ou día a día.
Pide o teu primeiro cambio
Avisámoste cando alguén acepta, e queda anotado nos dous cadrantes.
O teu cadrante é teu
Turneas está feita para o equipo, non para vixialo. Non toca a folla de quendas do teu centro nin avisa a ninguén de fóra do grupo: se no traballo hai que comunicar un cambio, segue facéndose como diga o teu centro.
O grupo decide quen ve os cadrantes
E cada persoa pode pedir que o seu non se mostre, sen deixar de cambiar quendas.
Peticións anónimas
Para cando non queres que se saiba quen pide.
A foto da folla de quendas non se garda
Lese con intelixencia artificial, co teu permiso, e ninguén do grupo a ve.
Borras a túa conta cando queiras
Desde a propia app, e con ela os teus datos.
Preguntas frecuentes
Un cambio feito en Turneas vale no meu traballo?
Turneas serve para poñervos de acordo entre compañeiros e anota o cambio nos vosos cadrantes. Se no teu centro un cambio precisa visto e prace, o grupo escolle como se pide, pero a autorización segue sendo do teu centro: se alí hai que comunicalo, seguides facéndoo vós.
Ten que usala todo o meu servizo?
Canto máis sexades, máis cambios encaixan. Pero funciona desde dúas persoas, e podes levar o teu cadrante pola túa conta, sen grupo.
Quen ve o meu cadrante?
Os teus compañeiros de grupo, se o grupo ten os cadrantes visibles. A administración do grupo pode deixalos só para os cambios, e entón ninguén ve o dos demais. Aínda que o grupo os mostre, podes pedirlle á administración que o teu non se mostre. Os teus amigos seguen véndoo nos dous casos. Se usas Turneas sen grupo, ese cadrante só o ves ti.
Que pasa coa foto da folla de quendas?
Para lela, a foto envíase a Claude, a intelixencia artificial de Anthropic, que devolve unha táboa cos días de cada persoa. Turneas pídeche permiso antes, non garda a foto e ninguén do grupo a ve.
Canto custa?
De balde durante a beta.
En que idiomas está Turneas?
En galego, éuscaro, castelán, catalán, inglés, francés, italiano, portugués, alemán, neerlandés e polaco.
Próbaa co teu equipo
Turneas está en probas en iPhone. Se queres usala co teu servizo, pide acceso e enviámosche a invitación. Android chegará despois.